Регистрирајте домен денес

Упатство за регистрација на домен за правно лице

За регистрација на домен на име на правно лице, потребно е да се достави пополнет формулар за регистрација на домен, потпишан од овластено лице, и тековна состојба од Централен регистар, не постара од 6 месеци.

Формуларот за регистрација на .mk домен може да се преземе од следниот линк:

https://server.com.mk/wp-content/uploads/2026/03/Formular-mk-domen-ver1_0-09-03-2026.pdf

1. Доколку правното лице поседува дигитален сертификат

Ако правното лице поседува валиден дигитален сертификат издаден од КИБС или Македонски Телеком, постапката може да се заврши електронски.

Потребно е:

1. Да се преземе и пополни формуларот за регистрација на домен.
2. Формуларот да биде дигитално потпишан од овластено лице со валиден дигитален сертификат.
3. Заедно со формуларот да се достави тековна состојба од Централен регистар, не постара од 6 месеци.
4. Документите да се испратат електронски на e-mail адреса: info@server.com.mk.

Во овој случај не е потребна физичка достава на документите.

2. Доколку правното лице нема дигитален сертификат

Доколку правното лице не поседува дигитален сертификат издаден од КИБС или Македонски Телеком, документите треба да се достават во оригинал.

Потребно е:

1. Да се преземе и пополни формуларот за регистрација на домен.
2. Формуларот да биде потпишан од овластено лице и заверен со печат од правното лице.
3. Да се приложи тековна состојба од Централен регистар, не постара од 6 месеци.
4. Документите во оригинал да бидат доставени на следната адреса:

АЛСА НЕТ ДООЕЛ
ул. Алберт Ајнштајн бр. 8 лок. 2
1000 Скопје

Регистрацијата на доменот ќе биде обработена по прием и проверка на комплетната документација.

Напомена: Нецелосна документација, тековна состојба постара од 6 месеци или неевидентирана уплата може да ја одложи регистрацијата на доменот.

За промена на регистрант на .mk домен за правно лице, кога документите се доставуваат електронски со дигитален потпис, потребно е документација да достават и постојниот регистрант кој го отстапува доменот и новиот регистрант кој го презема доменот.

Документите треба да бидат дигитално потпишани од овластено лице со валиден дигитален сертификат издаден од КИБС или Македонски Телеком.

Формуларот може да се преземе од следниот линк:

https://server.com.mk/wp-content/uploads/2026/03/Formular-mk-domen-ver1_0-09-03-2026.pdf

1. Документи од постојниот регистрант

Постојниот регистрант, односно правното лице кое го отстапува доменот, треба да достави:

1. Пополнет формулар за домен.
2. Во формуларот да биде штиклирано полето: „Промена на регистрант на доменот.
3. Формуларот да биде дигитално потпишан од овластено лице.
4. Тековна состојба од Централен регистар, не постара од 6 месеци.

2. Документи од новиот регистрант

Новиот регистрант, односно правното лице кое го презема доменот, треба да достави:

1. Пополнет формулар за домен.
2. Во формуларот да биде штиклирано полето: „Регистрација на доменот“.
3. Формуларот да биде дигитално потпишан од овластено лице.
4. Тековна состојба од Централен регистар, не постара од 6 месеци.

3. Достава на документите

Комплетната документација од постојниот и од новиот регистрант треба да се испрати електронски на e-mail адреса:

info@server.com.mk

Промената на регистрант ќе биде обработена по прием и проверка на комплетната документација и по евидентирана уплата, доколку за постапката е предвидена наплата.

Напомена: Нецелосна документација, непотпишан формулар, погрешно штиклирано поле во формуларот, тековна состојба постара од 6 месеци или неевидентирана уплата може да ја одложи промената на регистрант.

Согласно правилникот од 25.11.2024 право да регистрираат име на домен во примарниот домен .mk имаат сите физички лица со живеалиште или престојувалиште во Република Северна Македонија и сите правни лица. Правните лица регистрирани надвор од територијата на Република Северна Македонија треба да бидат соодветно идентификувани преку националните регистри за правни лица од државата во која се регистрирани.

Домен е името преку кое вашиот веб сервис ќе биде препознаен на интернет од корисниците во целиот свет.

Се што треба да направите е да креирате нарачка и да ни го испратите епп кодот од е-адресата на регистрантот на нашата адреса domentransfer@server.com.mk

За поврзување на доменот со серверот кој ќе го опслужува, потребно е да се постават именски опслужувачи. За да можете тоа сами да го направите активиравме два портала.